Sa kilom-kilom mosagol sa kapanganoran
ang binulhot nga aso sa akong sigarilyo.
Walay timik ang lantay nga akong gilingkoran
nga nabungol sa kanaas sa bunbon
nga gikubkob sa kumagko sa akong tiil.
Wala panumbalinga ang bahakhak sa mga bata
nga nag-iphanay sa mga kaka nga ilang nasikop,
ug bisan ang pagdapit nga ambitan
ang gituwa nga bihag sa tigbakay.
Wala'y dan-ag ang lamparilya sa among payag
bisan giaghat ko pagsulod og balik
gikan sa tibuok adlaw nakong paghuwat.
-- GENALYN G. OMAPAS
Cebu City, Philippines
No comments:
Post a Comment