higaladagang luoran ug pikon
komedyante ug guwatsinanggo
higante sa natad sa katitikang bisaya
nganong gitapos mong balak-sugilanong legasya
unta nanglili ka pa sa naligo nga matahom seksing
bulan sa mga gabii sa nagtingsing paghanduraw
adiyos
-- MELQUIADITO M. ALLEGO
Palm Harbor, Florida, USA
14 comments:
Nyor Mel,
bug-at pas kalibotan ang pagpanaw ni Nyor Tem. Usa siya sa akong giilang mga katitikanhong ginoo (giila sab tika Nyor Mel isip akong katitikanhong ginoo).
Nyor, makapakurog sa akong kalag ang imong pagsangon kanako sa kaakohan.
morag ang pagpadayon sa tunob ni Nyor Tem usa ka uniberso nga lisod kumkomon. apan maningkamot ko.
kon di maot ang pagsaad, mosaad kong magbugtaw, Nyor Mel,sa katitikanhong basakan aron di ko mahilayo sa mithi ni Nyor Tem nga iyang gitisok sa akong galamhan bisag wa pay saad nga matuman alang nako.
imong disipulo,
kevin
kevin,
sa pagkakita ko kanimo didto sa turtle's nest, nahinumdom ako sa batan-on pa ako: madamgohon, determinado, young and foolish and compassionately wild and reckless.
as the emcee that night, i saw myself
in you.
-mananambalak/dante recuerdo/ommar bathalasad allah
mora diayg arthur rimbaud, nyor?
bitaw talking of poets, kinsa alang nimo ang mga magbabalak nga makapakurog sa tibuok kalibotan?
belib baya ko nimo nyor kay kuyaw kaayo ang imong mga imahe. labi na ang imong metapora.
ganahan kaayo ko atong DIANA MARTINIQUE nga gituki ni richel dorotan sa bisaya magasin.
ngilngigan sab kaayo ko aton balak nimo diin nagda ka sa pangang ommar bathalasad allah. katong balaka napatik sa bisaya magasin.
nakalimot lang ko sa uluhan (sagdi lang utingkayon nako ang akong mga kopya sa bisaya ug pahibaw-on tika sa balak).
kuyaw kaayo to kay puyde tang mag-hip hop o mag-chanting ba kaha.
magkita-kita na pod ta sa umaabot bathalad convention sunod tuig?
nindot untag taas-taas ang imong panahon nyor diri sa sugbu aron magkahuguy-hugoy og maayo ang tulo ka henerasyon sa mga magsusulat (di pa ra ba ko magsusulat kuan sulat-sulat lang ang ako.
imong ubos nga alagad,
kevin
kevin,
magsusulat-magbabalak kana.
pruyba: kadtong award imong nadawat gikan sa BISAYA.
MAKAPAKUROG MGA MAGBABALAK?
Pablo Neruda, T.S. Eliot, Walt Whitman, E. E. Cummings, Federico Garcia Lorca, Ezrah Pound, Robert Frost, Billy Collins, Charles Simic,
John Ashbery.
Balak napatik sa Bisaya? Magbabalaklaurel o Datgilab o Duha ka Diyolin.
Ang atong BATHALAD Award Ceremony
sa Enero 30, 2010, Sabado. Guest of honor: Ricardo Baladjay, akong higaladagang ug kumpare (si Pare Rex ug si Junne Canizares maoy akong idolo o sumbanan sa kuyabog pa ako).
Magkita unya ang tolo ka henerasyon sa BATHALAD:
(1) Mel Allego, Ury Almagro, Erning Lariosa, Lam Ceballos, Edfer Rigodon, Melchor Yburan, Roger & Rene Pono, Joe Tomarong
(2) Myke Obenieta (KABISDAK FOUNDER) & Butch Bandillo (former BATHALAD President)
(3) Kevin Lagunda, Bambi Beltran,
Josua Cabrera, Jona Bering, Januar Yap, Greg Fernandez, Jesselito Baring, Karla Quimsing, ubp.
hangtod sa sunod nga kamingaw,
mananambalak/dante recuerdo/dr. zhivago/ommar bathalasad allah
wow, kakurat god.
pwede ko moapil?
rsb,
puwede kang moapil.
puwede sang moipon sa bathalad. si butch alig-ig kanhi pamuno sa bathalad sa wa pa siya ma-ambassador. those were the days of wine and roses.
-mananambalak
ngilngig sad nang magsusulat si Romeo Bonsocan Nyor Mel. In fact, tigtampohan na siya sa BISAYA.
Nia ra ang balak nimo nyor Mel nga naaptik sa BISAYA nga hip hop kaayo:
Kadtong Giugbok Dinagkotang Krus sa Daplin sa Dalan
- OMMAR BATHALASAD ALLAH
BISAYA Abril 15, 2009
Silang duha mga unang gugmang subol
Iladong tukmo ug punay sa hayskol
Gitakdang
Mopaso
Hinapos
Sa Marso
Nahiatol
Gahumol
Humot cool
Hip-hop mojo
Galing lang
Kataposang
Semana
Uban sa
Mga alalay
Nagburdahe
Sa pantalan
Kunohay
Mosaksi
Panagbagat
Ni dagat
Ug Bulan
Unsiyalan
Barkadang
Nagmaneho
Sa drogalak
Nabuak
Salamin
Nasiak
Kasingkasing
Wayok! Astig! Eksperimental kaayo!
hats off ko nimo Nyor!
bitaw, Nyor Mel, ako lang tingaling gibakakan ang akong kaugalingon nga di pa ko writer-poet. unsaon ta man? ganahan man nakong bakakan ang akong kaugalingon. bakakon ko.
kanang award, di man tingali nay sukdanan nga writer na ko.
tinuod bitaw Nyor nga di ko ganahan og tawgong writer kay di ko ganahag label or i-define as so and so.
di ko ganahan ma-confine. ganahan ko nga mo-stretch sa akong boundary. dont get me wrong, Nyor, ha nga hilas ko paminawon.
pasayawon, pakantahon o pahidbang-hidbangon nako ang akong kaugalingon samtang magsuwat. haskang lingawa kaha Nyor, sa? kon makit-an ko sa akong mga silingan nga magbuhat sa ingon, makaingon tingali sila nga boang ko. aw, im rationally crazy, Nyor.
bitaw, nyor as long as naa pa koy mahapyod nga musa, payts na!
speaking of muse, Nyor kinsay musa nimo? unsa alang nimo ang katitikan? nganong nia ka aning kalibotana? unsa ang arte alang nimo?
hangtod sa sunod tagik sa mga titik, kevin
hehe, Nyor Mel morag i dont deserve to be mentioned alongside
Bambi Beltran,Josua Cabrera, Jona Bering, Januar Yap, Greg Fernandez, Jesselito Baring, Karla Quimsing, ubp.
ngilnig ra kaayo sila. samtang ako usa lang ka utitod nga daling mapigsat. hehe
Kevin,
Bahin sa imong mga pangutana, basaha lang unya ang umaabot kong balak: PARNASONG INTERBIYO O KULUKABILDO UBAN NI UTITOD AW HIGANTE DIAY KEVIN LAGUNDA.
May eksperimental balak ako kaniadto nga napatik sa Bisaya: DATGILAB.
-mananambalak
Kevin,
Napalgan kong eksperimental nga balak nga napatik sa BISAYA:
DATGILAB
ANIB I
Magneto sa Bulan mibitad sa Yuta
Hinungdang Bulan may tunob nga may tiil
Sa Yuta nga may tiil sa tunob sa Bulan
ANIB II
Adlaw misalop sa Silangan sa nalangang
Banagbanag samtang sa Kasadpan misidlak
Ang Adlaw sayo sa kilumkilom
ANIB III
Magdadagang giulipon sa kaugalingon
Niyang Musa Pluma Kawit Diwarte
Akong Magbabalak tudling sa akong Balak
ANIB IV
Panahon nang ibikang ko ang akong mga Bukton: Padulong sa akong Luyo
Ug dili na mobalik bisan kanus-a
-OTIDAIUQLEM W. OGELLA
IVIRALACIBLA
DALAHTAB
BISAYA, Hulyo 23, 2003
nindot basahon nang PARNASONG INTERBIYO, Nyor da. mag-atang ko ana!
Nyor Kevin,
Giusab nako ang titulo: PINULHOANG INTERBIYO/KULUKABILDO UBAN NI UTITOD
AW HULMIGAS HIGANTE DIAY UGMA DAMLAG
KEVIN LAGUNDA
Coming soon to this theater.
-mananambalak, dr. zhivago, dante recuerdo, ommar bathalasad allah
Post a Comment