mamahimo'ng unlanan ang mga buswak sa rosas
sa pagpaanod mo sa imong pagkahinanok
makighurohuro ang panon sa mga alibangbang
ipadayag ang kalibotan sa ilang mga bulok
sa imong pagkawili sa kinapusoran sa dagat
paminawa ang taghoy sa sirena magbanlas kanimo
sa balod sa akong kinahiladman
hangopa ang badlis sa akong mga palad
andam mosapnay sa imong pagtugkad
walay kataposang laylay sa kagabhion
nga ikaw makabaton sa unang tapya sa pag-uha
kon kanus-a ang gapnod sa akong pusod
mobalik og tabyog kanatong duha
-- GENALYN G. OMAPAS
Cebu City, Philippines
No comments:
Post a Comment