mga nagngulob naghadyong nagtuwad imbudo nanghasi na upod
sa Oklahoma Ohio Texas
sa Nebraska Iowa Kansas
kasagaran sa alimuot kahaponon alindangang kagabhion
mga dagasangang buhawi alimpulos nanglampornas
nanamparos sa mga tigbayon nangalsa sa mga sakyanan sa interstate 70
nanguyat-ag nangutlo sa mga talulot sa nagbay-ad mirasol ug dandelyon
mga kaanib komplot sa mga tampalasang huyong-huyong
ug lilo ug unos ug urakan sa katalagman
gatiliis gaambangol nga sireno napagaw nayabag sa kalisang
samtang mga natarantar atop gilangkatan sa ilang mga alimpulo
mga angol nanglibagha og dimatukib nga mga milagro
mga nagpiliik gadanguyngoy nga mga ambulansiya kargado
og mga patayng buhi
-- MELQUIADITO M. ALLEGO
Palm Harbor, Florida, USA
No comments:
Post a Comment