6.12.2015

brownout


Naputol ang pagsiyaok
sa nag-videoke nga hubog,
gisumpayan sa uwang
sa nangulag nga mga iro,
gitugbangan sa bagutbot
sa estudyanteng
napalonga’g WiFi
bungol sa kanaas
sa balilihan,
sa awit sa mga timos,
buta sa kalit
nga pagpangbutho
sa nagkadaghan
nga mga bituon.


-- GRATIAN PAUL R. TIDOR
Dipolog City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.