1.11.2016

balit-ad


sa mapa diha
sa imong likod
natultulan nako ang kinaham

sa dalan
sa imong dalunggan luyo
sa imong aping
sa imong agtang
sa gabon sa imong labong
nga buhok

labing lamian
ang akong nakit-an

sa dihang mibalit-ad ka
sa dihang nabali usab
ang akong kalibotan

wala nako damha ang dan-ag
sa langit


-- RIC S. BASTASA
Katipunan, Zamboanga del Norte, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.