7.23.2016

pagkalarag


Huyhoy intawon ang mga abaga ni Duday
dihang gibutang balik sa bukag
ang mga tindang lagutmon ug utanon.

Sa tibuok adlaw niyang paninda,
diyutay ra’y nahalin tandi
sa mga katapad niyang tindera.
  
Mas nilapaw pa ang iyang kasubo
pagkakita sa mga dahon sa petsay
nga yutyot ug nikuspaw ang kalunhaw.

Kalisod ipanghinaot sa lain pang adlaw.


-- JONDY M. ARPILLEDA                                                                                                         Tandag City, Surigao del Sur, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.