Ang nahitabo kaniadto nahitabo baya pag-usab
ug basi’g mahitabo pa gyod og balik tungod
kay
miingon ang mga maalamon
nga
wala kuno ta makakat-on sa nangagi.
Apan miingon usab ang mga maro
nga
atong sundon ang piniliay didto sa Tejeros
(Pastilan, hagbay ra diay ning dagdag-bawas
nga mao’y usa sa gapaulbo ni Bonifacio
ug di ta matingala nganong miingon si De Quiros
nga si Roco ang labing maayong pangulo
nga wala intawon maangkon sa Pilipinas.)
Busa sa pagkakaron magmantinil lang una
ta'g
mga pamuno nga wa gyo'y ayo samtang
padayonon pa nato ang pagpatubo ning
republika nga gitisok kaniadto sa damgo
ni Bonifacio, gipahimugso ni Aguinaldo, ug
karon wala pa gyo’y buot apan basin mohingkod
sa layo pang pakigbisog. Bahala na kon wala na ta!
Unta naa pa'y gitagana para nila nga umaabot pa.
-- JON R. SAGUBAN
Iligan City, Philippines
No comments:
Post a Comment