11.11.2026

gikan nananggot


Subaya ang mga hakhak 
sa sa unang garay—
sumbanan sa pagkatkat 
aron dili masipyat. 
Mamahimo sab kang magbuhat 
og bag-ong hakhak, 
mamahimo sab kang magbuhat 
og binag-ong sambingay. 
Siguroa lang nga nabaid na 
ang sanggot duyog sa dunggan 
kon sa musang hinuyohoy 
magpaminawan 
gikan sa unang dawat 
sa sayong kabuntagon. 
Pasagdi ang tuba:
mopatam-is sa dila, 
mopakisom sa galamhan. 

Sa baso-balak, walay pildi ni daugan;
duna ra'y makaigit ug mahuwasan. 
Na hala, ituyok na ang baso 
ug sumpayi ang berso!


-- MARK KENLY ORAY 
Loon, Bohol, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.