Nalanay ang usa ka buwan kong pagpaabot.
Nyor, karong adlawa-- ganiha lang gyod,
Nitugpa sa akong tungod
Ang imong gipalupad nga Illuminations
Ni Arthur Rimbaud gikan diha
Sa imong diyamanteng tugkaran
Sa Palm Harbor, Florida. Gipunit ko
Ang Illuminations. Sa akong pagpapha ini,
Mahikanhon kining nigilak-gilak.
Nilagiting, Nyor, ang akong kamot
Samtang gikuptan ko ni. Ug sa akong pagpakli
Sa mga pahina, ang mga balak ni Rimbaud
Nisangyaw og di matukib nga kahayag
Nga nasungasong lang nakog tutok
Sa dihang nipiyong ko.
(pasalamat kang Nyor Mel Allego)
-- KEVIN A. LAGUNDA
Mandaue City, Cebu, Philippines
3 comments:
disipulo numero uno,
matahom ang paghulat
sa matahom mga balak
ipaod
si Rimbaud
sa nagdupang
daganglamhan
tulini inyong paglawig
-ommar bathalasad allah
As always, Kevin. Kudos!
salamat Nyor Mel. Salamata ma'am gina. salamat sad kang sir Myke sa paglimpiyo ug pagpatik sa balak. :)
Post a Comment