sulagma

Nalinga pa ang tanan sa dihang nausab ang dagway sa langit. Misanong usab 
ang kahiladman, ang beteranong tuko sa kamingaw. Nagpid-ok-pid-ok ang 
gipamaulang mga bapor sa kawanangan nga nahisalaag sa lugot sa kangitngit.  
Sa lad-ang nga takna gikuskos sa mga patay ang kisame sa ilang mga lungon 
samtang sa sulagma nga kalibotan sa mga buhi gikagis sa galaray nga mga 
tuwapos ang tagsa-tagsa nilang mga sartin nga naghulat sa ngamig nga lugaw.  
Ug takulahaw mihagtos ang hayhayan sa kasadpan, nangahagsa ang nagtulo pang 
mga lampin sa tayaon nga atop sa akong tiilan. Mibagting ang akong dugokan. 
Ay, Kwaresma na usab! Kwaresma sa gibus-aw nga panumdoman. 

-- VICENTE VIVENCIO BANDILLO

Manila, Philippines