12.01.2013

lumay


Ang lumay 
nga nagagikan 
sa berde mong mga mata 
way gahom 
nga igong mobugto 
sa talikala nga naghigot kanako.  
Hinuon, kini nagbilin 
og mga ulat 
sa mga samad nga akong naangkon 
sa akong mga paglugnot. 
Sabta nga wa ako’y lugway 
nga igong makaabot
pagtugkad sa kahulogan  
sa malamaton mong tinutokan.

    
-- URIAS A. ALMAGRO
New Berlin, Wisconsin, USA

2 comments:

FElix Daray said...

Nindot ang mga balak,
Sa mga pulong nga namat-an kog kahayag, lunsayng Binisaya.
Mga pulong gikan sa kanhiayng panahon,nagpabilin sa atong panumdoman. Kay pinaagi sa mga balak, sugilanon ug gumalaysay, nahimong buhi sa kanunay.

FElix Daray said...

Nindot ang mga balak, maoy nagbuhi sa pinulongang Bisaya aron mabuhi sa kanunay.


Daghang salamat sa mga maniniyot nga gapaambit sa ilang mga hulagway sa Google ug Flickr.