12.05.2013

sa daplin sa baybayon


Didto sa daplin sa baybayon
Imo akong gidapit.
Nanggunit ka 
Sa akong mga kamot
Samtang naghulat kita
Sa talisalop hangtod 
Nahingpit ang atong gihulat,
Nitidlom sa dagat.
Mipahiyom ka, nangutana
Kon sama nimo
Nalipay ba pod ko
Sa akong nakita. Kaayo!
Kay ang imong pahiyom
Tugbang sa adlaw
Sa sayo nga pagsubang.


-- DANTE O. CUALES, JR.  
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.