7.23.2014

kasumaran


Dili sama kaniadto nga sakit pamalandungon 
kon salin-salin na lang sa panihapon ang maabtan--
Ikog sa sinugbang isda. Sabaw sa nilat-an.
Dukoton nga kan-on. Usa ka litro nga basiyo.

Ug karon gisud-ong ni Nilo ang lamisa nga nagkaguot 
sa nagkadaiyang pagkaon--kining mga kinaham 
sa iyang mama, sa iyang papa, sa iyang tulo ka manghod:
bugnaw, lisod tunlon, sama sa wa damha nilang palad.

-- ADONIS R. ENRICUSO
Dumingag, Zamboanga del Sur, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.