Bugwak sa lawod, labyog sa gabalit-ad
nga gilawmon. Dili pod matugkad--
bisan kapila kawson-- ang mga sapa-sapa
sa gabukal nga dilaab. Labaw pa sa aligato
ilang yamyam: Pinatubo, Mayon, Hibok-Hibok…
Paghilom! Bisan makabungol ang mga paghot,
gaalindasay sa tingbitay, paminawa ang dugdog
ug aninawa ang lubog nga sidlakan.
Gapunga-punga ang tigmo sa langit
nga hubakon. Unsaon man pagkitkit
sa katugnaw? Galaway ang mga patay-
gutom, ug sa ilang dila nalakra ang nahabilin
nga hunghong sa mga nangalumos: Bangon!
Katkat gawas sa atong kaagi-- kining
atabay, dalin-as sa mga danguyngoy
ug kagot sa ngipon. Dili mohunong
ang dag-om. Utong! Sanglit kita'y tinubdan
sa ting-init, suyopa ang kauhaw sa uwan.
-- MICHAEL U. OBENIETA
Topeka, Kansas, USA
No comments:
Post a Comment