11.29.2015

retorika sa romansa


nanginit namugnaw
kining kaadlawon
tugbang sa udtong tutok  
sahi sa talagsaong kalipay
lakbit sa imong kasakit
kay bag-ohay lang nagdugo
ang daang samad 
nga ang kapula nadanlog
sa lunsay nga kaputi
duyog sa dagayday
nga luha sa kalipay

patya ako sa kalalim
aron banhawon na pod
ang salimuang unya
sa lain pang langit


-- DESIDERIO R. LIBRE 
Samboan, Cebu, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.