Kon ugaling wa pa ka kakaon og dabong,
Wap-a diay ka katilaw og sungay sa yuta.
Nakasubad ra kag kumingking sa tangkong
Ug laway sa saluyot. O kaha tahod sa okra,
Ikog sa batong, pakô sa pako, tikod sa ubi,
Nangahingong ngipon sa nilubo nga mais,
Kinudkod nga utok sa bagulbagol sa lubi,
Kasingkasing sa adlaw sa tam-is nga tambis.
-- ADONIS G. DURADO
Athens, Ohio, USA
No comments:
Post a Comment