hubad sa inenglis nga balak ni Rita Gadi

(alang sa mag-uuma sa Birada) 

Sa uma sa iyang kinabuhi nagtanom siya og damgo 

sa lunang wa pa niya mahornal aron malugaran og kalamboan. 

Lisod ni nga bunga, giignan siya, ang pagpatubo 

dugay gayod nga hinulatay, wala tawon siya kabalo 

unsa'y init og bisbis ang kinahanglanon sa similya; 

unsaon pag-alima, kon igo lang ba nga makahinumdom ka 

mopul-ong, manghagbas, ug kanang linghod pa, magpalandong 

hangtod sa dili na masaag ang mga sanga niini: 

kay iyaha man gyod kini, una pa sa uban, ug siya ra pod 

ang ulahi makatilaw kon mahinog na ang kabantog niini 

apan sa kasamtangang nagtubo kini, sa iyang kasingkasing 

manggamot kining punoan og dulot pa sa katuyoan niini 

kapupoan niya'g ani sa mga manglabayng katuigan 

sama kadugay ning iyang gugmang tinagoan og ngalan.

___________________________________________

His Mangosteen

by RITA GADI

(for the farmer of Birada) 

In the fields of his life he planted a dream, 

once untended before it had the space to grow. 

A difficult fruit, he was forewarned, its birthing seemed 

too long a period of weary wait, he would not know 

how much of heat or wetness the seed expected. 

What is the way of caring if remembering were enough 

to prune, to weed, and, in its youth, keep shaded 

until its branches knew exactly where to go: 

for it was his, first, and he would be 

the last to celebrate its ripening fame 

while in the interval, within his heart, the tree 

took root beyond the hunger of its intent 

to reap the harvest of seasons without end 

the way his love survived the secrets of its name.   

__________________________________________________

-- KARLO ANTONIO GALAY-DAVID 

Kidapawan/ Davao City, Philippines