8.29.2010

tagay
















(human nako basaha ang "Tradisyon sa Tagay,
Tagay sa Tradisyon" ni Myke O.)

Nag-inom mo, gaagik-ikay,
gakantahay, gainambitay
og pasiaw ug danguyngoy.
giimbitar ko ninyo
sa dihang milabay ko
sa inyong payag.
"shot sa, bay!"
di unta ko musulod
kay di man gud ko
tig-inoman og tuba.
imported nga ilimnon
ra man gud akong ampay.
pero mirespetar ko.
milingkod, nakigtabi,
nakig-inom.

wa ko damha nga
tagayan ko ninyog metapor.
gipahabhab ko ninyog paradoks.
gipa-shot og pasiaw,
pasiaw nga puno sa pasumbingay,
pasiaw nga dunay gipahiping yangungo,
pasiaw nga dunay tinapigang luha.

sige ko ninyog gitagayan,
pero wa ko ninyo hubga
maong wa ko nagmaoy,
maong wa ko misarasay.
igo ra ko ninyo gipailaila
sa gahom sa pulong.
igo ra ko ninyo gipasahag baso

kay basin puhon
moabot ang panahon
sulod sa maong payag
ako nay gunner.


-- GRATIAN PAUL R. TIDOR

Dipolog City, Philippines

1 comment:

WAY ALIMPULO said...

MABUHI KA GRATIAN!

MAS MAAYO PA KA MOBALAK KAYSA ANING KEVIN LAGUNDA.


Daghang salamat sa mga maniniyot nga gapaambit sa ilang mga hulagway sa Google ug Flickr.