8.26.2010

sa taas nga dalan
















Naa’y bagting sa balilihan ug taghoy
Ug gahigda ang umahan sa bulawan hangtod sa kagabhion.
Kahilom sa mga lunhaw nga atabay
Ang akong lapad ug abli nga wanang ug dalan.

Ang kakahoyan nisaka gikan sa yamog
Nagsinaw sama sa bildo ug puthaw.
Dili ko mohunong pagtan-aw, dili ko mohunong pagginhawa
Ug unya mamatay ko ug magpadayon.



(hinubad sa balak ni Nathan Alterman)

-- MICHAEL U. OBENIETA
Topeka, Kansas, USA

1 comment:

WAY ALIMPULO said...

Sa Karsada


May kasikas sa balilihan ug may taghoy
Ug ang umahan gapabiling bulawanon sa kilomkilom.
May kalinaw gikan sa mga lumotong tabay,
Sa lapad kong hawanan ug sa karsada.

Mitumaw ang kakahoyan gikan sa gabon
Gadalag dan-ag sama sa bildo ug puthaw.
Di ko moundang og susi, di moundang og ginhawa
Ug mamatay ko ug mopadayon lang gihapon.


Daghang salamat sa mga maniniyot nga gapaambit sa ilang mga hulagway sa Google ug Flickr.