Kahilom nimo karon, Maria.
Niining kilom-kilom, nagpunting
Ang imong panan-aw
Sa imong bana ug sa gahom
Nianang iyang pahiyom.
Kaniadto, molad-ok sa kahadlok
Ang mga lalaki nga nisulay
Ug kablit sa imong katawa. Kahait
Sa imong tubag nila
Sama sa binaid nga sundang
Sa imong Tatay.
Matod mo pa: huyang ang mahigugma.
Maria, dili maihap
Ang mga gisaw-sawan nato
Nga mga tuig
Ilalom sa kahayag sa bulan
Hangtod sa pagkisaw
Sa sunoy sa kabuntagon. Busa
Pasayloa ko sa salida
Sa akong huna-huna: sa pagsulod
Ninyo sa honeymoon suite, inig
Sirado na sa pultahan.
Ug inig palong na sa mga suga,
Motuyhakaw ang kalisang
Sa imong bana.
Wala siya kaila
Kinsa ang nidakdak niya
Sa kangitngit.
Niining kilom-kilom, nagpunting
Ang imong panan-aw
Sa imong bana ug sa gahom
Nianang iyang pahiyom.
Kaniadto, molad-ok sa kahadlok
Ang mga lalaki nga nisulay
Ug kablit sa imong katawa. Kahait
Sa imong tubag nila
Sama sa binaid nga sundang
Sa imong Tatay.
Matod mo pa: huyang ang mahigugma.
Maria, dili maihap
Ang mga gisaw-sawan nato
Nga mga tuig
Ilalom sa kahayag sa bulan
Hangtod sa pagkisaw
Sa sunoy sa kabuntagon. Busa
Pasayloa ko sa salida
Sa akong huna-huna: sa pagsulod
Ninyo sa honeymoon suite, inig
Sirado na sa pultahan.
Ug inig palong na sa mga suga,
Motuyhakaw ang kalisang
Sa imong bana.
Wala siya kaila
Kinsa ang nidakdak niya
Sa kangitngit.
-- DELORA SALES-SIMBAJON
Butuan City, Agusan del Norte, Philippines
7 comments:
HMMM. MORAG DI KLARO KUN KINSAY "VOICE" ANI NGA BALAK. PROBABLY FORMER LOVER NI MARIA?
way alimpulo,
pareho ang atong pangagpas: probably a former lover (a tomboy?)
kayha si Maria lakin-on upod mao nang
gidakdak ang wamagdahom bana sa
kangitngit.
with due respect to the fine poetess, Delora, this poem is an
enigma and eccentric and stimulates
discussion among poets, the chosen few, mga henyobuang.
-mananambalak
duda nako lalaki ang nagyawyaw ining balaka nga gibuwagan ni day maria. sa sugod nga bahin, abi ko man og naghandom ang speaker sa iyang past self. pero sa inanay, sa lawod nga han-ay sa detalye natataw nga si maria og ang speaker dili usa.
medyo makapakugang og makapaintriga ang ulahi nga bahin(tumotumo kongklusyon basi sa naunang mga stanzas); si maria diay adunay apilyedo nga ozawa (ug may kaliwat pod nga sawa. haha). kung sa salida pa ni rica peralejo, "inosente sa paningin, pero hayop ang dating."
Dili ba kaha werewolf ni si Maria... :)
murag ang persona kay former lover ni maria kay daghan man siya nahibal-an mahitungod kang maria. maybe pod bitter lang siya kang maria ug envious siya sa lalaki mao nga ga-exaggerate siya sa iyang pamulong. dili niya madawat nga magpakasal si maria og lain. :D
paminawon nato ang bersiyon
sa magbabalak delora.
siya ra ang makasulbad sa
gumonhap sa atong mga pangagpas.
-mananambalak
Hello sa tanan ;)
Medyo controversial cguro pero ang persona is a former close friend/lover na babae :) dili lalaki nga lover ;) cguro, dili kaayo mo-come across mao nga naglibog mo.
I was working on the concept that there are many things you don't really know about the person you marry ;) Pero I chose a 3rd person, someone nga wala sa marriage pero naa past with one of the parties ;)
Salamat sa mga commentaryo. Nagsugod ko sulat ug bisaya sa aghat ni Myke ug Adonis ug sa Bathalad sa Cebu, dugay na. 1996-97 pa to but then I stopped in 2000. Karon lang gyud ko nibalik, last June to be exact ;) Salamat sa Kabisdak, naaghat ko ug balik ;)
Post a Comment