8.22.2010

sa pagkahumod
















gabilangkad siyang galingkod
gatando-tando bisan wala gipangutana
giyarok niya ang usa ka botelya
tugkad sa kahiubos

gisuyop niya ang sigarilyo duyog sa aligato
gikan sa iyang mga silingang tag-as og dila
buwag na diay si juan ug iyang asawa
duna man nay siyay kabit
naa man pod kapuyo iyang asawa
palahubog man god na siya
patas ra sila kay sugarol pod baya si basya


nanamilit ang aso sa iyang ilong
ug nipilit ang takuling sa iyang baga
nabarag siya morag mosayaw
sa tukar nga siya ra ang naminaw
naabtan niya ang utlanan
sa sugilanon anang dag-om

ug siya ra'y gangisi nga gabilar
pagbunok
sa katugnaw sa tungang gabii


-- ROMEO NICOLAS BONSOCAN
Carcar, Cebu, Philippines

2 comments:

M said...

romy,

sama ni neruda
ang mait-ong magbabalak
makasulat bahin sa unsang butang.
katugnaw sa gabii di igsapayan.
pahalipay sa imong pagkapili.
labing masaarong biyoosilaw

-nyorMel

Romeo Nicolas Bonsocan said...

nyorMel,

salamat nyor. padayon lang gyod ko aning pagsuwat-suwat nako...

romeO


Daghang salamat sa mga maniniyot nga gapaambit sa ilang mga hulagway sa Google ug Flickr.