Maajo pa'ning sikwati
di mauwaw,
di mobalibad,
di molakaw.
Ganihang buntag
namahaw ta,
ag ahong nawng
di makahimo
og bisan unsa
nga istorya,
dili makatan-aw
sa imong mata.
Pastilan kining tijan
hapit igbalik
sa pinggan
ag gamay nga gihabhab,
ag pirit gitulon,
sa pamahaw
nga ikaw ag kauban.
Ahong gitan-aw na lamang
ag ahong tasa
kutob nibugnaw
an sud,
unja nibarog na ka
aron magsulti,
"Mouna na ko."
Nihunghong na lamang ko,
"Oo,"
nga gipagawas sa ilong
ug mora sa ahong
ilimnon ko giingon.
Sud sa pila ka segundo
kon asa na ka dapita,
ambot. Unja ahong gipulot,
(unta ag imong kamot)
ag tasa nga wa na'y init.
Ag sikwati
di gikuwang sa asukal,
ug nakatabang sa kalami
ag ijang gamay nga kapait.
Maajo pa ning sikwati,
kabalo na dajon
ag gusto nahong isulti.
-- AMOR TAN SINGCO
Saint Bernard, Leyte, Philippines
3 comments:
Wow! wow! Remembered my lolo (tatay among tawag sa iya). He's from Caridad, Baybay. Ing-ani jud sya magsulti. I missed him when I read you poem. LOve love love your blog. Thanks for sharing. More power and God bless. Indeed makalingaw jud basahon.
Hi, Alta5656!
Salamat kaajo sa imong gishare about your tatay (lolo). And thank you so much for liking this balak and our friends' blog. It's such an encouragement. :)
saksak-sinagol sa Leyteno,
Boholano ug Cebuano
nga sinultihan?
-ag kuryosu mananambalak
Post a Comment