5.06.2012

tabliya sa sakripisyo ug panaghigala


(tubag kang compañero Ury Almagro)

Nasiplatan ko ang mga tabliya nga gipanghulma sa talad sa langit
ug gikutaw sa batirol sa mga latagak sa ulan sa akong paggikan
niadtong naghabuhabong kagabhion. Matay pa, latason ko
ang bisag unsang gilay-on aron lamang maduaw ang bililhong lunod-
patay higaladagang.  Bahala nag maaberiya sa Alligator Alley ug
kuninitan sa mga banghitaw sa handurawang paghandom.
Importante ang mga cacao tang gigikanan. Cheers sa kinaham 
sikwate sa atong pag-abot ug pagtalikod dinhi ning buluniyo 
sa lumalabay nga pagtagamtam sa naoktabang piging!


-- MELQUIADITO M. ALLEGO
 Palm Harbor, Florida, USA

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.