5.02.2012

unsaon pagpalahi ug pagsalipod sa panabot


Gisi-gision ang bawod inig lawom na ang gabii
Ug ilabay kini sa lanaw.
Ang dagat pod, kuso-kusoon,
Kumot-kumoton, kunis-kunison,
Ug idasok sa mao gihapong lanaw
Nga gidam-okan sa bawod.
Ug tungod nahapak-hinampak na ang dagat,
Wala’y moawas.
Wala’y malunod.
Apan naa’y malamoy
Nga motunga pag-usab
Usa ka gatos ka tuig gikan karon.


-- DESIREE L. BALOTA
Talisay City, Cebu, Philippines 

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.