Ang uban hinimo sa mga bato,
ang uban sa kahoy ug kawayan.
Hilom sila'ng makigsangka, idlas
nga mangamang sa kangitngit,
manorpresa sa kabuntagon og dibisyon
sa kabtangan, kanding ug kamanokan, katawhan.
Manubo sila gikan sa mga managsama'g mga damgo,
nga diha sa ilang pagmata mahipugwat, magdali-dali
pagpalig-on sa makit-ang mga liki ug pagtapak
sa mga buslot diin ang mga butang nga mahipos
sama sa dahon ug tubig manglapos. Kon ako
usa ka kahoy, manukad akong mga gamot,
modip-ig, di, mohuyatid, ang akong
mga bunga ipangtagak lagbas
sa laing tanaman.
-- JOHN BITON
Rome, Italy
No comments:
Post a Comment