4.23.2009

pagdasig
















Vincent, dasiga ang babaye
nga ilang gipanghimaraot. Tugoti
nga ang iyang buhok mahimong
dalag kaayo nga kahayag,
ang iyang palad mga lunhaw
nga dahon ug ang iyang hulagway
himoang sanag pa sa adlaw. Tugoti
nga ang usa ka pahiyom molanog,
mahimong usa ka buhakhak.
Himoa nga ang mga panganod
labing asul pa sa lalom nga dagat.
Patuyok-tuyoka ang mga hangin
sa lainlaing niyang mga bulok
sama sa usa ka bag-ong bangaw
aron dayon makalimot ako kaniya.


-- RIC S. BASTASA
Katipunan, Zamboanga del Norte, Philippines

3 comments:

rsb said...

pareng myke, butangi sab og pic..

pare dramatic.

m.u.o. said...

Naa na bitaw. :-) Dramatic kaayo kay hapit na'yu makita sa paglupad sa babayeng pak-an. :-) Ayo-ayo!

rsb said...

asa man miapaingon ang babayeng pak-an?


Daghang salamat sa mga maniniyot nga gapaambit sa ilang mga hulagway sa Google ug Flickr.