4.11.2009

pangandoy
















Dunay napulo ka libo ka mga balod
nga nag-ulang kanimo ug kanako.
Inigkabuntag sa tibuok pa ang adlaw
mangandoy ako nga makatabok
ug moipon kanimo sa tibuok bayente kwatro ka horas.
Unya inigkaudto, sa tunga na lang ang adlaw,
mangandoy ako nga makaduaw kanimo
bisan og usa lang unta ka horas.
Ug unya sa nagkatapos na nga kahaponon,
mangandoy ako nga makakita sa imong nawong
bisa’g sa usa lang ka gutlo
unya sa katapusang kahayag
sa di pa matunod sa hingpit
ang nagsalop nga adlaw.


-- URIAS A. ALMAGRO
New Berlin, Wisconsin, USA

1 comment:

Balitaw said...

pangandoy ug panghupaw...nindot nga balak


Daghang salamat sa mga maniniyot nga gapaambit sa ilang mga hulagway sa Google ug Flickr.