horrorscope

aquarius: hinayg higop basig malumos.
pieces: di mamaws nang imong ginamos.
aries: ting-raspa sa sungayan ug balhibuon.
taurus: tarugo sa toro kaduha tulion.

gemini: ang way mga kabit magtubok.
cancer: di ka paak, galuno ang ulok.
leo: ikog mapawt, sigeg hinungkab.
virgo: mangalisbu, di pa gyud maukab.

libra: kwangag hapyod, kwangag sakyod.
scorpio: mga tang-an maglisod nag kiyod.
sagittarius: pana sa gakabayo way kataupan.
capricorn: ang kandingon lumsan sa bilahan.


-- ADONIS G. DURADO
Bangkok, Thailand