11.19.2026

pahinumdom kon kaluy-an nako ang kaugalingon


Wala baya’y babag sa dalan 
bisa’g naa’y tractor. Nasaag. Dili 
kalihok; nagkalapok ang makina. 

Liko na lang gud. Antosa lang 
ang libon, bisan pa’g daghang 
mopilit nga amorsiko. Ug 

dayon, daobi tanang kabalaka, 
painiti lang pod ang dughan. 

Diretso lang og asa padung. 
Urong lang kon kinahanglan. 
Palandong sa pangandoy, ug 

pahuway gikan sa nagkagidlay 
nga dagan. Lakaw lang gud. 
Lakaw. Dili man ni lumbaanay.


-- JONALYN ALMACIN-GOURDON 
Nantes, France

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.