12.03.2008

ang babayeng tagdumala sa kalipay
















gihinol ko ang kang-a
sa basa mong mga ngabil
ibabaw sa taytayan nga nagsumpay
sa alimpulo sa kabukiran
nga namiyuos og huyuhoy
unya ang tin-aw mong tingog
nahimong tam-is nga hagawhaw
nga maoy imong paanad kanako
sa habog nga mga dapit
halayo sa katawhan
diin milakra ang imong gininhawa
ug nabati ko ang imong pahiyom
dihang sa takulahaw
mingitngit ang akong panan-aw



-- VICENTE VIVENCIO BANDILLO
Dubai, United Arab Emirates

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.