pagpaabot

(am-am sa sad-an alang kang Kalay)

Nagbarogbarog ka
sa eskina Echavez, nagpaabot

kaniya. Gilabyan, gihiwian ka

sa mga gutlo apan wa ka

manumbaling. Nagbagutbot

ang mga bosina apan wa ka
magpahapyod sa pangluod.
Tingali, bisag di na mopahiyom
og kahayag ang mga bitoon
ug bisag makay-ag ang buwan,
maghuwat gihapon ka kaniya.
Apan wa gyod siya miabot.
Sa imong tan-aw, tingali

kawanangan ang nag-uwang
ninyong duha. Imong nadunggan

ang hangin nga mituaw

og panghupaw kanimo.
Nahiusa ang inyong anino.


-- KEVIN A. LAGUNDA
Mandaue City, Cebu, Philippines