1.16.2009

ang balak nga dili mahuman
















adunay misulod sa akong baba
mga pulong
nag-ung-ong

nabuak ang mga pulong
nahilis sa akong dila
karon ania
buot mogawas
kining akong mga alibangbang

mitugpa sa akong ngabil
susama ako
anang bulak nga waling-waling

ang mga pulong nahimong pak-an
milupad ug mibatog
layo kanako
sa laing mga tanaman


-- RIC S. BASTASA
Katipunan, Zamboanga del Norte, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.