gidaro ang kalikopan niini apil na ang kasagbotan sa akong unod.
Nahawan ang kalasangan sa akong dughan.
Ninggun-ob usa ang kabulakan sa akong tagoangkan.
Wala’y nibuklad, nangalawos ang mga luna sa sabakan,
samtang nagum-os na pag-ayo ang tanang dahong laya,
sama sa mga nahanaw nga gutling nga nanugdon kanako.
Apan, gitahod gihapon niining lawas ang iyang kinaiya.
Kay sama sa yuta, mahibalik lang ang iyang kinabuhi
dihang mahinanok kini, mopahuway sa hingpit.
Aron inig balik niini, tapukon kini sa taligsik.
-- CINDY VELASQUEZ-PANIZALES
Calatrava, Negros Occidental, Philippines

No comments:
Post a Comment