chalk dust

Kinsa'y magtuo nga,
Niadtong buntaga,
Ang chalk dust,
Nga naa ron sa saw’g,
Mao ang Theory of Relativity,
O ang balak nga gisuwat
Niadtong Enero,
Dili na ni mao,
Ang pino nga agi ni Mam,
Ang duot nga sinuwatan ni Sir,
O ang gakurog nga agi sa akong classmate.
Karon chalk dust na lamang.
Kanang mga butanga,
Nga gisilhig-silhig ni Tikoy,
Kay nanglupad na sa hangin.


-- BAL MARSIUS VALDEHUEZA
Cebu City, Philippines