Alas singko traynta pa sa hapon:
Nanghuy-ab na ang adlaw luyo sa bukid;
Katulogon ang dalan Escario
kay lagi,
holiday.
Ang buwan nagkumbayot
sa usa ka balkonahe sa condo,
gilaay
kay lagi,
holiday.
Ang skywalk,
nga nagtanga
sa kasubo nga daw sa robot,
miguroy kanako
padung ngadto,
nagpakuyog
kay lagi,
holiday.
Ug sa sugyot sa kilom-kilom,
atbang sa kahil, ako ang morado;
miginhawa ko'g law'm;
gigakos ko
ang kangiob sa semanang milabay
sa usa ka oras nga pahuway
sulod ning kalaay
kay lagi,
holiday.
-- CHARISSE MARI S. FONACIER
Cebu City, Philippines
1 comment:
ang takna..alas dyes pesos, ug baynte centavos....human milabay ang trak sa basura hehehe..bitaw day, nindot man diay ka mo balak day, dili kaha? silingan ra ta?...kada adlaw man baya ko mo latas ning dalan sa Escario...ig ka tungod naku sa flyover, mahinumdom dayon ko nga wala pa diay ko ka panguos pag agi naku sa Capitol Parish..mao nga muhunong ko ug kadiyot sa Gorordo..dayong patinghulog sa Ayala, sa SM..pabugnaw sa nagdilaag nga....nga....lawas ra gud :)
Post a Comment