7.16.2008

ang tubag ni togtog

(Ang dugay na kunong gihulat ni Butch Bandillo nga tubag sa iyang balak kabahin sa isdang Taotoga Onitis nga ang angga Togtog.)
















Kaming mga bus-ok ug hamis
Nga Taotoga Onitis
Naghilum-hilom
Dinhi sa dagat naglumlom
Apan kon buot mong
Sa amo mobingwit
Aron inyong idalit
Sa inyong pait nga mga wait
Pagbantay-
Kay tugkan mig sungay
Tungod sa inyong garay
Ug ang among mga ikog mokiay
Inig litok ninyo’g atay.
Pagkamalabi-labihon
Mangingisdang ulipon
Sa kiat sa panahon
Kay di pa gyod sakto sa timpla
Ang inyong tangag nga paon
Hinumdumi-
Nga kining among pagkaidlas
Sa kinailadman gitastas
Di mi anggid sa bayabas
Nga inig pupo mapapas
Busa-
Ayawg hilabti ang kandiis
Sa salbahis ug tam-is-
Sa giingon mong
bus-ok ug hamis
Nga Taotoga Onitis.



-- MARIA VICTORIA BELTRAN
Cebu City, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.