napamatud-ang nanamastamas sa lawas
sa bag-ong gilubong nga dalagita. Nasakpan
siya sa akto dihang ang igsoong lalaki,
nga may nakalimtan, mibalik sa sementeryo.
— balita
Kon dili lang tungod sa yawan-ong gahom sa kalimot
Adto ko manggungis sa yuta kong natawhan
diin alirong sa daob sa bugnawng mga gabii
isugilon ko sa mga sagabayng way hibangkaagan
unsa kalalim sakyan ang hunolhunol nga kahingpitan.
Apan kini ang akong kadaogan nga dili malalis—
nga wa koy pag-ukon-ukon nga manaog sa ispidno
nga maoy akong paingnan sa sunod nga kinabuhi
kay human ko na matagamtam dinhi sa kalibotan
ang kalipay nga maangkon lang sa uban didto sa paraiso.
-- VICENTE VIVENCIO BANDILLO
Dubai, United Arab Emirates
No comments:
Post a Comment