ang luyo’ng kilid sa bulan

Nagpuyo kita sa kalibutan
Sa mga pagduhaduha.
Kay ang mga butang nga atong gitan-aw
Nagbaton man og duha ka kilid.
Dunay kilid nga maoy atong hikit-an
Ug dunay kilid nga magpabiling gitagoan.
Sama sa antogon sa hantak
Nga dunay duha ka kilid.
Sama sa atong mga paglantugi.
Sama sa tubig nga dunay
Pagkatin-aw ug dunay pagkalubog.
Sama sa takdol nga bulan didto sa langit
Nga sa atong pagyanghad
Magpadayon kita pagpangutana
Kon unsa may tua sa luyo’ng kilid
Sa iyang nawong sa kahayag.


-- URIAS A. ALMAGRO, M.D.
New Berlin, Wisconsin, USA