8.19.2008

offline
















Ikaw ba, sige gyod kag panambo diha,
naghuwat nga moagi si Ana.
Isuksok lang gyod na sa hilom
sa imong bulsa ang kabalaka
nga basin mohapit siya sa internetan
ni Eba (nga samtang naghuwat kuno
sa iyang fiance nga Kano, nagpatukod
og internetan aron naay kabilin sa iyang
igsuon nga technician/user/pusher
puhon nga molarga na siya). Kay
sa giingon pa nimo, si Ana gusto gyod
makabalay og dako sama atong naa
sa catalog nga gihatag sa babaye sa pagpanuroy
nato sa SM. Ug si Ana, sa gikaingon pa nimo,
gusto makahikap og snow. Di ra pwede
ice? Kay morag daghan-daghan nakog natigom,
nanuksok na gani dinhi sa akong dughan kay
lagi imong baba, puro ra gyod Ana, Ana, Ana!
Ana man gyod ka. Pero sige lang, kay niingon man
sad ka nga kong makakita na siyag Kano,
hingpit nakang mo-offline sa iyang kinabuhi.
OK ra na nako kay ako pirme man online.
Para nimo.



-- JONA B. BERING
Tuburan, Cebu, Philippines

No comments:


Daghang salamat sa mga maniniyot nga gapaambit sa ilang mga hulagway sa Google ug Flickr.