pahimangno sa mga ulod nga buot mokaon nako

hinay-hinaya lang ninyo ha kay gilok
pers taym pa nako mamatay
unaha lang pagkutkot akong tiyan
kay anad na kaayo na kutkoton
hinaot lang dili mo sama kasaba sa kagutom
kon akong tiyan inyo nang trabahoon
isunod akong kasing-kasing
kay dili ko gilukan diha
dayon libot mo ngadto sa baga
pasinsiyai lang ang kapait
paig na man god na
ug kon ang akong nawng
ang sunod ninyong matripingan
sugdi lang sa ilawm
bahala'g mamyahok ko
basta intak lang ang kagwapo
ug kon di magdugay moabot na mo sa tiil
palihog unaha lang ang kubal
kay wa pa tawn ko kasuway anang pot spa


-- BAL MARSIUS VALDEHUEZA
Cebu City, Philippines