kandila

A candle for the beginning
A candle for the ending
.........................................
A candle for conscience
A candle in my hands.

-- Sa’di Yusuf

Sa di pa ako mosulod
Niadtong daang simbahan
Aron pagsimba
Atol sa akong adlaw
Mohapit una ako
Niadtong tigulang nga naninda
Ug mopalit og kandila
Nga akong idagkot

Unya
Human ako moyukbo
Inigkahuman na sa misa
Akong talikdan
Kadtong akong kandila
Nga nagpadayon pa
Sa iyang pagsiga

Kandila nga nagkahilis
Kandila nga nagkaupos
Kandila nga nagkaanam
Pagkapalong

-- URIAS A. ALMAGRO, M.D.
New Berlin, Wisconsin, USA