lola

Galukdo siya
og usa ka sako

nga bus-ok.
Gagmitoy kaayo
ang iyang mga tikang.
Busa, gilabyan ko siya.
Gilingi ko siya'g balik.

Nadagma siya.
Buot unta nako'ng tabangan
apan mihinayhinay siya'g barog.

Wa siya mamapha

sa mga abog nga mikabyon

sa iyang sapot.
Iyang gigunitan
ang iyang nabuhia'ng sako
ug subli'ng gilukdo.
Nagpanglingo-lingo ko
sa dihang mipadayon siya

paglakaw. Wa ko kairog.

Gihuwat nako siya
nga moagi sa akong atubangan.


-- KEVIN A. LAGUNDA
Mandaue City, Cebu, Philippines