Makita mo ang lab-as nga samad
Kon tutokan mo kini
Sama sa imong pagtutok karon
Sa hanap nga buwan sa banagbanag.
Kini na lang ang nahibiling buwan
Sa gisugid ko kanimong
Kasaysayan sa dagmal ug amoma
Mao nga kon gusto kang mohinol,
Paghinay—ug tugoting tutokan ko ikaw
Pamasin nga bation mo usab
Ang katam-is sa kasakit
Nga dili mobiya kanako, bisan karon
Nga daw malumos ako sa kalipay
Uban kanimo.
-- VICENTE VIVENCIO BANDILLO
Dubai, United Arab Emirates
No comments:
Post a Comment