ngadto sa iyang kaugalingon

(hubad sa Iningles ni John Heath-Stubbs sa original nga Italyano ni Giacomo Leopardi)
















Pagmalinawon na sa tunhay,
Lapoy kong kasingkasing. Patay na ang kataposang lansis,
Nga gituhoan kong dumalayon. Patay na. Alang kanato, sayod ako
Nga mihagtos na dili lang ang kalagmitan
Nga kita limbongan, apan lakip usab ang pagtinguha niini.
Hunong na, hangtod sa hangtod. Igo na
Ang imong pag-antos. Ug way kapuslanan ang tanan
Mong panikaysikay; ang kalilbotan dili takos sa imong mga panghupaw.
Kalaay ug kalisdanan
Mao ang kinabuhi; ug ang uban, way hinungdan; lapok ang kalibotan.
Pahulay. Pagdumili
Sa kataposang higayon. Sa ingon kanato ang gitugot sa kapalaran mao
Ang kamatayon lamang. Ug karon mahimong biaybiayon mo
Ang imong kaugalingon, ang kinaiyahan, ug ang bangis
Nga kagahom nga, maliputon, nagmando sa dayag nga kaalaot
Ug sa way-kinutobang kahaw-ang sa tanan.


-- VICENTE VIVENCIO BANDILLO
Dubai, United Arab Emirates