(Nadasig sa "I've Got A Crush On You" ni Frank Sinatra)
Mikidhat siya kanako samtang nagdebate:
Bilib man god siya gipakamang gikarate ko
Si Obama sa torneyo sa eskrima.
Girakrakan ko si Barack-Biden hangtod nahunlak.
Kanang iyang paghinambid sa telebisyon
gipahinungod ning mga mata. Imahinasyon...
Mohanduraw sa utlanang gingi sa paraiso.
Ako ang pitbol nga gihidhiran
niyag lipstik sa pagmahal. Ako ang
taytayang eternidad sa iyang kasingkasing.
Kon modaog siya karong Nobyembre
hangyoon ko niyang ma-Presidente
puli ni McCain kada gabii. Haskang pagkaswerte!
Mikidhat siya kanako samtang nagdebate:
-- MELQUIADITO M. ALLEGO, M.D.
Palm Harbor, Florida, USA
No comments:
Post a Comment