lumba sa dagan

Naglinya na ang mga niapil,
naghulat sa hudlat
sa pusil

Nagdungan sila pagpanagan
lapos sa marka
sa dalan.

Gawas sa samok nga syudad
didto sa desyerto
sila napadpad.

Kuyog sa huyop sa hangin,
bagyo sa balas,
ug kamang sa puting bitin.

Silang tanan nilabang
sa bukid nga
nag-atang sa agianan.

Nilangoy sila sa dagat
diin ang balod
nisalida ug nikatkat

Nanu-ong sila sa lasang
layat sa
nagkatawa nga pangpang.

Walay undang ang ilang dagan--
hangtod sa katapusan
sa ilang ginhawaan.


-- MARIA VICTORIA BELTRAN
Cebu City, Philippines