tinunoang monggos

Ingon si Tatay
Kadtong mga Waray-waray
Mga lingin og panagway
Ug dili malisang bisan sa patay.

Ang mga lunlon Bisaya
May kaisog, dili ya-ya.
Sa panahon sa kasadya
Utan-Bisaya, igo na baya.

Kon si Nanay ang pangutan-on
Taga-Mindanao aduna'y kalig-on
Kay bisan og unsaon
Dili sila pa-alkanse sa pagkaon.

Mga igsoon natong Muslim,
Sa Tinagawog pa, “mabilis sa patalim
Amok, sa umaga at dilim.”
Ayaw subakig baboy, “para walang lagim.”

Sa atong isla magpadiin-diin
Inig wala na'y karne ug isdang magpabilin--
Igo lang gihapon ta sa protina
Salamat sa monggos nga gitunoan ni Lola.


-- MARIA VICTORIA BELTRAN
Cebu City, Philippines