gangsawit

Adto na ako. Human na ang tahas ning kinabuhi. Gitanom ug giani ko na
ang kalibotan. Ang ulahingdayeg ug epitapo ko nasulat na. Nananghid
na ako ni Bathala. Nahagkan nang pinakamithing kapikas ug mga anak
ug apo samtang nahinanok sila. Napadad-an nag imbitasyon ang mga
higaladagang ug kabanayan nga unta sila magpulaw ug magbangotan
sa akong pagtaliwan. Labaw sa tanan gideposito ang akong mga
handumanang balak sa tanang kasingkasing nga mahinugon.
Adto na ako. Ang mga gangsa sa kasikbit linaw nakighagwa nakig-ambahan
nangamay na sa nanamilit nga bulan.

P.S.: Ibilin ko kanimo ang akong legasya ug mga katawa.


-- MELQUIADITO M. ALLEGO, M.D.
Palm Harbor, Florida, USA