Dunay halok nga atong gitinguha
sa tibuok tang kinabuhi,
ang paghikap sa Diwa sa atong lawas.
Ang tubig sa dagat nagpakiluoy sa perlas
nga unta molugtas na siya gikan sa iyang antulang.
Ug ang lirio, labihang kamabination
ang iyang pagpangandoy og way pagpugong nga Minahal!
Inigkagabii, buksan ko ang bintana
ug akong hangyoon ang bulan nga siya modayon
ug ipiod niya ang iyang nawong nganhi sa akoa.
Moginhawa nganhi kanako.
Takpi ang pultahan sa pulong.
buksi ang bintana sa gugma.
Ang bulan dili moagi sa pultahan,
sa bintana ra.
Gihubad ni:
-- URIAS A. ALMAGRO, M.D.
New Berlin, Wisconsin, USA
No comments:
Post a Comment